Dünya Kubokunda qalmaqallı an: Argentinadan siyasi mesaj
Argentina millisi 2026-cı il FIFA Dünya Kubokunun yarımfinalında İngiltərə üzərində qazandığı qələbədən sonra Folklend (Malvinas) adaları ilə bağlı siyasi mesaj nümayiş etdirib.
Ajans.az The Telegraph-a istinadən xəbər verir ki, futbolçular qələbəni üzərində "Malvinas Argentinadır" yazılmış bannerlə qeyd ediblər.
Folklend (Argentina tərəfindən Malvinas adlandırılır) adaları uzun illərdir Böyük Britaniya ilə Argentina arasında ərazi mübahisəsinin predmetidir. Argentina İspaniyadan müstəqillik əldə etdikdən sonra adalara varislik hüququ əsasında iddia edir və 1833-cü ildə Böyük Britaniyanın nəzarəti ələ keçirməsini qanunsuz hesab edir.
Mübahisə dəfələrlə BMT-də müzakirə olunub. 1982-ci ildə isə tərəflər arasında baş vermiş Folklend müharibəsi Böyük Britaniyanın qələbəsi ilə başa çatıb. Buna baxmayaraq, Argentina BMT mexanizmləri vasitəsilə adalar üzərində suverenlik iddiasını davam etdirir və məsələ hələ də həllini tapmayıb.
Qeyd edək ki, Argentina millisi Dünya Kubokunun finalında İspaniya ilə qarşılaşacaq. Oyun iyulun 19-da ABŞ-da keçiriləcək.
Digər Xəbərlər
