Bu ölkədə dağıdıcı FIRTINA-ÖLƏNLƏR VAR
Çilidə güclü leysan yağışlar və qasırğalı küləklərin yaratdığı fəlakət nəticəsində azı 10 nəfər həlak olub.
Ajans.az xarici mediaya istinadən xəbər verir ki, bu barədə Milli Fəlakətlərin Qarşısının Alınması və İdarəetmə Xidmətinin rəhbəri Alisiya Sebrian keçirdiyi mətbuat konfransında açıqlama verib.
Onun sözlərinə görə, Atakama bölgəsindən Araukaniya bölgəsinədək uzanan güclü atmosfer cəbhəsi ölkədə ciddi dağıntılara səbəb olub.
Sebrian bildirib ki, hazırda 4 nəfər itkin düşmüş hesab olunur, 17 nəfər isə müxtəlif dərəcəli bədən xəsarətləri alıb.
Rəsmi məlumata əsasən, 1168 nəfər əsasən Böyükşəhər bölgəsi, Atakama və Kokimbo əyalətlərində yaradılmış müvəqqəti sığınacaqlara yerləşdirilib. Bundan əlavə, əsasən Atakama və Kokimbo bölgələrində 104 504 nəfərin xarici dünya ilə əlaqəsi kəsilib.
Təbii fəlakət nəticəsində 2 mindən çox evə ciddi ziyan dəyib, 76 yaşayış binası tamamilə dağılıb. Həmçinin ölkə üzrə təxminən 138 min nəfər elektrik enerjisiz qalıb.
Digər Xəbərlər
