Tramp: Rusiya Ukrayna ilə bağlı razılığa gəlməyə hazırdır
ABŞ Prezidenti Donald Tramp Rusiyanın Ukraynadakı münaqişənin nizamlanması ilə bağlı yaxın zamanda razılığa gəlməyə hazır olduğunu bildirib.
Ajans.az xəbər verir ki, bu barədə Fox News telekanalına müsahibəsində danışıb.
"İnanıram ki, o (Rusiya Prezidenti Vladimir Putin) razılığa gəlməyə hazırdır. Çox yaxında. Tanqo üçün iki nəfər lazımdır, amma düşünürəm ki, o, razılığa gəlməyə hazırdır", – deyə Tramp bildirib.
Bundan əvvəl Kremlin sözçüsü Dmitri Peskov da Rusiyanın Ukraynadakı məqsədlərinə diplomatik danışıqlar yolu ilə nail olmağa açıq olduğunu bəyan edib.
Peskovun sözlərinə görə, Moskva münaqişənin sülh yolu ilə həllinə üstünlük verir. Lakin o iddia edib ki, Kiyevin mövqeyi buna imkan vermədiyi üçün Rusiya hərbi əməliyyatları davam etdirir.
Mövzular:
Digər Xəbərlər
