Ukrayna 2025-ci ilin əvvəlində bu böyük şəhərini itirəcək - ŞOK XƏBƏRDARLIQ
Almaniya Müdafiə Nazirliyinin planlaşdırma və komanda qərargahının rəhbəri Kristian Freydinq deyib ki, Ukrayna 2025-ci ilin əvvəlinə qədər Pokrovskdan (Krasnoarmeysk) imtina etməli olacaq.
Ajans.az xəbər verir ki, o, Bundesverin "YouTube" kanalında Rusiya Silahlı Qüvvələrinin bu istiqamətdə irəliləyiş olduğunu da qeyd edib.
"Əhəmiyyətli yeni amillər ortaya çıxmasa, düşünürəm ki, ilin sonunda və ya 2025-ci ilin əvvəlində biz şəhərin müdafiəsinin təşkilindən imtina etməli olacağıq. Rusiya Federasiyası bizim praktiki olaraq təsəvvür edə bilmədiyimiz insanlar və texnikadan istifadə edərək oraya hücum edir, Rusiya orada daim irəliləyiş əldə edir”,- Fredinq bildirib.
O vurğulayıb ki, Pokrovskda Ukrayna Silahlı Qüvvələrinin təchizatı üçün dəmir yolu relsləri var. Bundan əlavə, əhalinin məskunlaşdığı əraziyə nəzarət düşmənə ehtiyat hərbi hissələrini cəbhəyə göndərməyə imkan verir.
