Məşhur tiktoker HƏBS OLUNDU
Amerikan TikTok məzmun yaradıcısı Terion Tomas ötən günlərdə cinayət səbəbilə həbs olunub.
Ajans.az xəbər verir ki, Luiziana ştatından olan 20 yaşlı məzmun yaradıcısı Baton Ruj şəhərində fəaliyyət göstərən terapevt/psixoloqu öldürməkdə ittiham olunur. 69 yaşlı Villiam Nikolas Abrahamın cəsədi eyni ştatın Tangipahoa Pariş şəhərində magistral yolun kənarında tapılıb. Polislər bildirib ki, Toması cinayətə bir başa bağlayan sübutlar hələ ki ortaya çıxmayıb. Amma onun mənzilindəki axtarışlar zamanı şiddətli fiziki mübahisənin baş verdiyi bəlli olub. Hadisənin təfərrüatları tam bilinməsə də, TikTok platformasındakı istifadəçilərin bir qismi cinayətin intiqam zəmnində olduğunu bildirib. Belə ki, iddialara görə, V. Abraham pasienti olan Tomasa cinsi istismar edib.
Qeyd edək ki, şübhəli şəxs qismində çıxış edən Terion TikTok platformasında olduqca məşhurdur. O TikTok-da “Mr Prada” ləqəbi ilə tanınıb. Onun 4 milyondan çox izləyicisi var.
