Şahzadəyə qarşı etiraz şüarları səsləndirildi! - ANBAAN
Ulster Universitetində şahzadə Uilyama qarşı etirazlar səsləndirilib.
Ajans.az xəbər verir ki, tələbələr “Fələstinə azadlıq” şüarları səsləndirib. Onlar gələcəkdə İngiltərə kralı olacaq Uilyamdan Qəzza ilə bağlı daha aktiv mövqe gözlədiklərini bildiriblər.
Etirazlara baxmayaraq gülümsəyən Şahzadə universitetin müasir studiyalarını ziyarət edib, tələbələrlə söhbət edib. O, həmçinin yerli iqtisadiyyata 1,4 milyard funt sterlinq töhfə verən yaradıcı sektor üçün təhsil alan tələbələrin işini araşdırıb.
Qeyd edək ki, Uilyam bu ilin fevralında Qəzzada baş verən münaqişələrlə bağlı mühüm açıqlama verib. "Münaqişədə çoxlu insan həyatını itirdi. Hər kəs kimi mən də müharibənin tez bir zamanda bitməsini istəyirəm", - deyən Şahzadə Həmasdan İsrail girovlarını azad etməyi və Qəzzaya humanitar yardımı artırmağı xahiş edib. Səfərin digər hissələrində də müsbət görüntülər olub.
