Avropada istilərin dəhşətli nəticəsi: 10 mindən çox insan ÖLÜB
Avropada davam edən rekord isti hava dalğası nəticəsində ölüm halları kəskin artıb. EuroMOMO monitorinq sisteminin məlumatına görə, iyunun 22-dən 28-dək Avropanın 27 ölkəsində 10 650 əlavə ölüm halı qeydə alınıb. Onların təxminən 9 mini 65 yaşdan yuxarı şəxslərin payına düşür.
Ajans.az xəbər verir ki, Danimarkanın Statens Serum İnstitutunun əməkdaşı Lasse Vestergaard bildirib ki, bu göstərici müşahidələr tarixində ən yüksək səviyyələrdən biridir.
“Bu, qeyri-adi dərəcədə yüksək göstəricidir. Ölüm hallarının artımını ekstremal isti hava ilə izah etmək olar”, – o qeyd edib.
Ən ağır vəziyyət Fransa, İspaniya və Böyük Britaniyada qeydə alınıb. Təkcə bu üç ölkədə əlavə ölüm hallarının sayı 7 500-ü ötüb.
Fransanın Santé publique France agentliyinin məlumatına görə, iyunun 24-dən bəri ölkədə isti hava ilə əlaqədar 1000-dən çox insan həyatını itirib. Ən çox zərər çəkən bölgələr Paris və Pey-de-la-Luar regionu olub.
Mövzular:
Digər Xəbərlər
