Məşhur Jurassic Park filmin ulduzu VƏFAT ETDİ

"Yura Parkı" ("Jurassic Park") film seriyasındakı rolları ilə tanınan məşhur Yeni Zelandiya aktyoru Sem Neill 78 yaşında vəfat edib.

Ajans.az xəbər verir ki, bu barədə 1news məlumat yayıb.

Bildirilib ki, üç dəfə "Qızıl Qlobus" mükafatına namizəd göstərilən aktyor bir neçə il idi xərçəng xəstəliyi ilə mübarizə aparırdı. Onun vəfatını ailəsi təsdiqləyib.

"Ekran əfsanəsi Sem Neill vəfat edib. O, 78 yaşında idi", – deyə nəşr qeyd edib.

Qeyd edək ki, aktyora 2023-cü ildə xərçəng diaqnozu qoyulmuşdu və o, kimyaterapiya müalicəsi alırdı.

Sem Neill dünya şöhrətini "Yura Parkı" film seriyasındakı doktor Alan Qrant obrazı ilə qazanıb. O, həmçinin "İki yüzillik adam" ("Bicentennial Man"), "Qodzilla" ("Godzilla") və bir sıra digər məşhur filmlərdə yaddaqalan rolları ilə tanınıb.