Əli Xameneinin dəfn mərasiminə 100-ə yaxın ölkədən nümayəndə gələcək

İranın keçmiş Ali Lideri Əli Xameneinin dəfn mərasimində dünyanın müxtəlif ölkələrindən yüksək səviyyəli nümayəndə heyətlərinin iştirakı gözlənilir.

Ajans.az xəbər verir ki, bu barədə İRİB telekanalı İran Xarici İşlər Nazirliyinin sözçüsü Esmail Bəqaiyə istinadən məlumat yayıb.

Bəqainin sözlərinə görə, dəfn mərasimində təxminən 100 ölkədən nümayəndələr iştirak edəcək.

Bildirilib ki, iyulun 3-də səhər saatlarında ictimai vida mərasimi keçiriləcək. Günün ikinci yarısında isə yüksək vəzifəli xarici nümayəndə heyətlərinin iştirakı ilə rəsmi mərasim təşkil olunacaq.

İran Xarici İşlər Nazirliyinin məlumatına əsasən, mərasimə dövlət və hökumət başçıları, parlament sədrləri, xarici işlər nazirləri, xüsusi nümayəndələr, həmçinin müxtəlif ölkələrdən siyasi və ictimai xadimlər qatılacaqlar.