"LG" geri qayıdır - SƏBƏB
Cənubi Koreyanın “LG” korporasiyası yeni smartfon hazırlayıb və bununla mobil bazara qayıda bilər.
Ajans.az xəbər verir ki, bu barədə “MSPowerUser” məlumat yayıb. Bildiyimiz kimi, “LG” smartfonlar bir neçə il əvvəl fəaliyyətini dayandırıb. Bununla belə, korporasiya yeni qatlana bilən qurğu ilə bazara qayıtmaq istəyib. Ehtimal var ki, cihaz layihəsi ABŞ Patent və Ticarət Nişanları İdarəsində (USPTO) qeydiyyatdan keçib.
Telefonun patenti 8 oktyabr 2024-cü ildə “LG” şirkətinə verilib. Təsvirə görə, şirkətin mühəndisləri ekranı bükülə bilən smartfon hazırlayıblar. “MSPowerUser” müəllifləri xatırladıb ki, “LG”nin “Rollable” smartfon layihəsi var, lakin qatlanan zaman onun ekranı deformasiyaya uğrayıb. Sənədlərə görə, LG mühəndisləri bu problemi həll edib. Çevik displeyin qırışlardan və qıvrımlardan azad olmasını təmin etmək üçün mütəxəssislər onun altına maqnit dayaq əlavə edib. Bu, hər dəfə qatladığınız və açdığınız zaman ekranı hamarlaşdırmağa kömək edir.
