İcra hakimiyyətlərində DƏYİŞİKLİK: Görün kimlər vəzifədən GEDƏCƏK? - SİYAHI

Azərbaycanda bir sıra rayon və şəhər icra hakimiyyətlərində ciddi kadr dəyişikliklərinin olacağı gözlənilir. Bu dəyişikliklərin əsas səbəbləri kimi uzun müddət eyni vəzifədə çalışan rəhbərlərin fəaliyyəti və gənc kadrlara üstünlük verilməsi göstərilir

Ajans.az-ın məlumatına görə, Bakı Şəhər İcra Hakimiyyətinin başçısı Eldar Əziziov nə az, nə çox düz 24 ildir ki, başçı vəzfəsini qoruyub saxlayır. O, 2000–2003-cü illərdə Bakı şəhəri Nizami Rayon İcra Hakimiyyətinin başçısı, 2003–2011-ci illərdə Gəncə Şəhər İcra hakimiyyətinin başçısı, 2011–2015-ci illərdə Sumqayıt Şəhər İcra Hakimiyyətinin başçısı, 2015–2018-ci illərdə isə Bakı şəhəri Səbail Rayon İcra Hakimiyyətinin başçısı vəzifələrində çalışmışdır.

16 iyul 2018-ci il tarixində Bakı Şəhər İcra Hakimiyyəti başçısının müavini vəzifəsinə təyin edilən Əzizov 15 noyabr 2018-ci il tarixindən etibarən Bakı Şəhər İcra Hakimiyyətinin başçısı vəzifəsinə təyin edilib.

Abşeron Rayon İcra Hakimiyyətinin Başçısı Abdin Fərzəliyev 21 ildir ki, icra başçısı vəzifələrini daşıyır. 2003-cü ilin aprel ayında Bakı şəhəri Nizami Rayonu İcra Hakimiyyətinin Başçısı vəzifəsinə təyin edilmişdir. 2005-ci ilin dekabr ayından isə Bakı şəhəri Nərimanov Rayonu İcra Hakimiyyətinin Başçısı vəzifəsində çalışıb. Fərzəliyev 2022-ci il tarixindən Abşeron Rayon İcra Hakimiyyətinin Başçısı vəzifəsini yerinə yetirir.

Sumqayıt şəhərinin icra başçısı Zakir Fərəcov 19 ildir ki, vəzifədədir. Fərəcov 2005–2015-ci illərdə Abşeron Rayon İcra Hakimiyyətinin başçısı vəzifəsində çalışmışdır. O, 2 sentyabr 2015-ci il tarixində Sumqayıt şəhər İcra Hakimiyyətinin başçısı təyin olunub.

Qaradağ Rayon İcra Hakimiyyətinin başçısı Süleyman Mikayılov da 19 ildir, başçı vəifəsində çalışır. O, 2005-ci ildə Yardımlı Rayon İcra Hakimiyyətinin başçısı, 2005–2010-cu illərdə isə Lənkəran Şəhər İcra Hakimiyyətinin başçısı vəzifələrində çalşıb. 4 mart 2010-cu il tarixindən Bakı şəhəri Qaradağ Rayon İcra Hakimiyyətinin başçısı təyin edilib. 

Tovuz Rayon İcra Hakimiyyətinin başçısı Məmməd Məmmədov 6 ildir başçı vəzifəsini icra edir. O, 7 iyun 2018-ci il tarixindən Tovuz rayon İcra Hakimiyyətinin başçısı təyin edilib. 

Xətai Rayon İcra Hakimiyyətinin başçısı Rafiq Quliyev də 13 ildir müxtəlif vəzifələri icra edir. Belə ki, 21 may 2012-ci ildən 19 dekabr 2013-cü ilədək Xətai rayon İcra Hakimiyyəti Başçının müavini, 2013-cü il dekabrından başçının 1-ci müavini vəzifəsində işləmişdir. 12 noyabr 2019-cu ildən Rafiq Quliyev Bakı şəhəri Xətai Rayon İcra Hakimiyyətinin başçısı təyin edilmişdir.

Hacıqabul Rayon İcra Hakimiyyətinin başçısı Sevindik Hətəmov 12 ildir ki, başçı vəzifəsindədir. 2012–2016-cı illərdə Yardımlı Rayon İcra Hakimiyyətinin başçısı vəzifələrində çalışmışdır. 2016-cı ildə Salyan Rayon İcra Hakimiyyətinin başçısı vəzifəsinə təyin olunan Hətəmov bu ilin sentyabr ayında isə Hacıqabul Rayon İcra Hakimiyyətinin başçısı təyin edilib.

Qax rayon İcra Hakimiyyətinin Başçısı Mübariz Əhmədzadə 17 ildir vəzifədədir. O, 27 dekabr 2007-ci ildən 1 sentyabr 2009-cu ilədək Qax rayon İcra Hakimiyyətinin Başçısı vəzifəsini icra edib. Hazırda Zaqatala rayonu İcra Hakimiyyətinin Başçısıdır.

Lənkəran rayon İcra Hakimiyyətinin Başçısı Taleh Qaraşov isə düz 28 ildir ki icra başçısı işləyir. O, 1996–2002-ci illərdə Kürdəmir Rayon İcra Hakimiyyətinin başçısı, 2002–2006-cı illərdə Cəlilabad Rayon İcra Hakimiyyətinin başçısı, 2006–2011-ci illərdə Neftçala Rayon İcra Hakimiyyətinin başçısı, 2011–2012-ci illərdə isə Astara Rayon İcra Hakimiyyətinin başçısı vəzifələrində çalışmışdır. 14 aprel 2012-ci ildən isə Lənkəran Şəhər İcra Hakimiyyətinin başçısı vəzifəsinə təyin olunmuşdur.