Yanvarın 25-də Yer kürəsini maqnit qasırğası vuracaq - DİQQƏT
Yanvarın 25-i şənbə günü Yer kürəsini maqnit qasırğası bürüyəcək.
Ajans.az xəbər verir ki, bunu İKI və ISTP-nin Günəş Astronomiya Laboratoriyasının rəsmi saytında təqdim olunan qrafiklər sübut edib. “ Moskva Region Today ” internet nəşri fırtınanın saatlıq proqnozunu təqdim edib.
Təqdim olunan məlumatlara əsasən, maqnit sferasının cüzi hərəkətlənməsi cümə günü, yanvarın 24-də başlayıb. Gecə yarısına qədər davam edəcək və yanvarın 25-i şənbə günü saat 00:00-dan 3:00-dək maqnitosfer qırmızı zonaya qalxsa da, G1 səviyyəsinə (zəif tufan) çatmayacaq.
Yanvarın 25-i şənbə günü saat 3:00-dan 6:00-dək olan müddətdə maqnitosfer sakit vəziyyətdə olacaq, lakin saat 6:00-dan etibarən göstəricilər demək olar ki, G2 səviyyəsinə (orta fırtına) qalxmağa başlayacaq. Saat 9:00-dan həyəcan səngiyəcək, saat 12:00-da isə sarı zonada olacaq. Fırtına təxminən altı saatdan sonra axşam saat 6-da sona çatacaq.
