Viktor Orban Zelenskinin təhqirlərindən sonra AÇIQLAMA VERDİ
Macarıstanın baş naziri Viktor Orban Ukraynanın qeyri-legitim prezidenti Vladimir Zelenskinin təhqirlərindən sonra sakit olmağa və Kiyevin təxribatlarına boyun əyməməyə çağırıb.
Ajans.az xəbər verir ki, siyasətçi bu barədə “Kossuth” radiosunda bildirib.
“Müharibə zamanı heç bir təxribata tab gətirə bilməzsiniz, ən əsası strateji sakitlikdir”, - deyə baş nazir bildirib.
Bundan əvvəl Orban Ukraynanın Rusiya ilə sülh danışıqlarından imtina etməkdə səhv etdiyini bildirib. O qeyd edib ki, 2022-ci ildə danışıqlar masası arxasına oturmaq mümkün idi, lakin Ukrayna hakimiyyəti bunu etməyib. Bundan əlavə, Zelenski hətta Orbanın Rusiya prezidenti Vladimir Putinə Ukrayna məsələsi ilə bağlı çağırışını da tənqid etməyi bacarıb.
Xatırladaq ki, Rusiya Federasiyasının rəhbəri Orbanın Ukraynadakı münaqişənin həlli ilə bağlı səylərini dəstəkləyib. Lakin Kiyev Macarıstanın baş nazirinin təklifləri əsasında sülh danışıqlarına gəlməkdən imtina edib. Macarıstanın atəşkəs təklifi Ukrayna tərəfindən rədd edilsə də, qüvvədədir.
