Təlim təyyarəsi qəzaya uğradı - ÖLƏNLƏR VAR

Ajans.az xəbər verir ki, La Libertad şəhərinin hərəkətli küçələrindən birində təlim təyyarəsi qəzaya uğrayıb. Kapitan Diana Estefaniaiz Solis və leytenant Xuan Andres Pacheso Ramirez həyatını itirib. Qəza nəticəsində yoldan keçən motosikletçi də yaralanıb.

Ekvador Silahlı Qüvvələrinin yaydığı bəyanatda bütün hərbi və mülki personalın bu itkidən dərin kədər hissi keçirdiyi bildirilib. Qəzanın səbəbləri araşdırılarkən, xəsarət alan motosikletçinin səhhəti barədə ətraflı məlumat verilməyib. Baş verən qəzada təyyarə hissələri küçəyə səpələnib.

Qorxunc görüntülərdə təyyarə təlim uçuşu zamanı qəfil yerə çırpılır. La Libertad şəhərinin ən hərəkətli küçələrindən biri olan Eleodoro Solorzano küçəsində baş verən qəzada təyyarə tərs çevrilərək yolun ortasına çırpılıb. Təyyarə yerə dəyərkən səpələnmiş parçalardan biri son anda manevr etmək istəyən motosikletçiyə dəyib, o, xəsarət alıb. Qəza zamanı orada olan ağ avtomobilə də qismən ziyan dəyib.