Suarez özünü öldürmək istəyən şəxsə bu cür əngəl oldu - VİDEO

Ajans.az xəbər verir ki, 20 saatlıq səydən sonra Suarez 6 metrlik ağaca dırmaşaraq intihar edəcəyini söyləyən şəxsi razı salıb.

Məşhur uruqvaylı futbolçu Luis Suarez ölkəsində baş verən dramatik hadisədə fəal rol alaraq bir insanın həyatını xilas etməyə kömək edib. Suarez həyat yoldaşı Sofia Balbi ilə birlikdə intihara cəhd edən şəxsi sakitləşdirmək üçün hadisə yerinə gedib və vəziyyəti nəzarət altına almağa çalışıb.

Hadisə cümə günü gecə baş verib. 49 yaşlı kişi 6 metr hündürlüyündəki ağaca dırmaşaraq 53 yaşlı arvadı gəlməsə, özünü öldürəcəyini deyib. Hadisə yerinə gələn səlahiyyətlilər, şəxsin silahsız olduğunu, ancaq boynuna kəndir bağladığını müəyyən edib. Məlumata görə, həmin şəxsin məişət zorakılığı ittihamı ilə nəzarət altında olduğu da bildirilib. Təxminən 20 saat davam edən bu çətin proses şənbə günü saat 17:30 radələrində başa çatıb. Suarez və səlahiyyətlilərin səyi nəticəsində kişi razılaşdırılaraq ağacdan endirilib.

Luis Suarezin bu humanitar müdaxiləsi Uruqvay xalqı və beynəlxalq media tərəfindən yüksək qiymətləndirilib.