Sosial şəbəkələr insanın psixi sağlamlığını POZUR
Sosial mediadan həddindən artıq istifadə psixi sağlamlığa mənfi təsir göstərərək depressiyaya səbəb ola bilər.
Ajans.az xəbər verir ki, psixoloq Qalina Qubanova “İzvestiya” ilə söhbətində bu barədə xəbərdarlıq edib.
Onun sözlərinə görə, özlərinə yüksək tələbkar olan insanlar risk altındadır. Belə istifadəçilər özlərini inanılmaz uğur qazanmış və standartları həddən artıq yüksək qoyan məşhur bloggerlərlə müqayisə edirlər. Virtual aləmdəki ideal obrazlar ağrıya səbəb olur, paxıllıq yaradır. İnsan özünü belə məzmunla əhatə etməklə mənfi düşüncələri gücləndirir.
Bundan əlavə, bəzi istifadəçilər üçün sosial şəbəkələr real həyatdan daha vacib olur. Qubanova qeyd edib ki, virtual dünyaya dalmaq insanı reallıqdan ayırır, daha az emosional, kövrək sosial əlaqələr depressiyaya səbəb olur. "Virtual dünyada biz real emosiyaları" ucuz dopamin"lə əvəz edirik və başqasının həyatının illüziyası təcrid hissini gücləndirir”, - deyə, həkim bildirib.
Sosial şəbəkələrə dərindən girmək insan üçün real fəaliyyəti əvəz edir, bununla da onu özünə inamı gücləndirən nailiyyətlərdən sevinc və məmnunluqdan məhrum edir. Başqa bir problem doomscrolling - pis xəbərlərin nəzarətsiz və uzun müddət oxunmasıdır. Bu, stresə səbəb olur və narahatlığı artırır, vəziyyətə nəzarət illüziyası verir.
Qubanova sosial şəbəkələrdə vaxtı məhdudlaşdırmağı məsləhət görüb. Bunun üçün siz vaxtaşırı zəngli saat qura və digər fəaliyyətlərə keçə bilərsiniz.
© Materiallardan istifadə edərkən hiperlinklə istinad olunmalıdır.
