Bu vərdişlərdən uzaq olun - Qocalmanı sürətləndirir
Dietoloq Ekaterina Şirşova orqanizmin sürətli qocalmasına səbəb olan bir neçə faktoru sadalayıb.
Ajans.az xəbər verir ki, onlara qlikasiya, zülal çatışmazlığı, yuxusuzluq, fotoyaşlanma və xroniki iltihab daxildir.
Şirşovanın sözlərinə görə, qlikasiya şəkər və sürətli karbohidratların həddindən artıq istehlakı nəticəsində toxumalara ziyan vurur, kollagen və elastini məhv edir, dəri və damarların elastikliyini azaldır. Bu prosesin yavaşlaması üçün o, şirniyyatları az yeməyi və yavaş karbohidratlara üstünlük verməyi tövsiyə edir.
Bundan başqa, zülalın miqdarının azalması da qocalmanı sürətləndirir. Bu, əzələ kütləsinin azalmasına və sümük sıxlığının itkisinə səbəb olur. Şirşova 60 yaşa qədər olanlar üçün bədən çəkisinin hər kq-na 1,2-1,6 qram zülal qəbul etməyi, 60 yaşdan sonra isə 0,8-1,2 qram tövsiyə edir.
Xroniki yuxusuzluq da orqanizmin tez qocalmasına gətirib çıxarır. Yuxu orqanizmin bərpa olunmasına imkan vermir və nəticədə immun sistem zəifləyir.
Şirşova həmçinin, günəş şüalarının kollagen və elastini məhv etdiyini, bunun da üz dərisində əhəmiyyətli yaşlanma əlamətlərinə səbəb olduğunu qeyd edib. O, günəşdən qoruyucu kremlərdən istifadə etməyi tövsiyə edir.
Son olaraq, xroniki iltihabın qocalmanı sürətləndirdiyini vurğulayan dietoloq, bunun qarşısını almaq üçün balanslı şəkildə bitki və heyvan mənşəli yağların qəbul edilməsinin vacib olduğunu bildirib.
© Materiallardan istifadə edərkən hiperlinklə istinad olunmalıdır.
