Qadın oğlunu hərracda satışa çıxardı - ŞOK
ABŞ sakini yeni doğulmuş oğlundan qurtulmaq qərarına gəlib və hərrac təşkil edib.
Ajans.az xəbər verir ki, bu barədə ABŞ yerli mətbuatı məlumat yayıb.
21 yaşlı Cuniper Brayson hamilə olduğunu gec anlayıb. Qadın uşağı tərk etməmək qərarına gəlib və qohumundan mümkün övladlığa götürən valideynləri tapmasını istəyib. Braysonun qohumu sosial şəbəkələrdə yazıb ki, ana doğuş başlayanda xəstəxanaya gələ biləcək və övladlığa götürən valideynlər axtarır. Yalnız sonradan elanı yerləşdirən amerikalı qadın Braysonun uşaq üçün pul almağı planlaşdırdığını görüb təəccüblənib.
O, dərhal anaya niyyətinin qanunsuz və "dəlicəsinə" olduğunu söyləyib. Bununla belə, Brayson bu şərhdən narahat olmayıb. O, qohumuna izah edib ki, ona mənzil kirayələmək və ya ucuz bir avtomobil almaq üçün sadəcə bir az pul lazımdır. Sonradan məlum olub ki, artıq xəstəxanada Braysonla birlikdə yeni doğulacaq körpəni aparmağı planlaşdıran qadın olub. Buna baxmayaraq, ana uşağı ən yaxşı qiymətə təklif edənə satmaq üçün başqa övladlığa götürən valideynlər tapmağa çalışıb.
Braysonun planları polisə yeni doğulmuş uşağının şəklini sosial şəbəkədə yerləşdirdikdən və doğuş zamanı yanında olan qadını etiketlədikdən sonra məlum olub. Paylaşım görünəndən sonra insanlar övladlığa götürən anaya uşaq üçün nə qədər pul verdiyini soruşmağa başlayıb. O, dərhal hüquq-mühafizə orqanlarına müraciət edib. Xəstəxanadan çıxandan sonra Brayson həbs edilib. Onu uşaq alverinə görə həbs cəzası gözləyir.
