Trampdan immiqrasiya ilə bağlı növbəti sərt addım
ABŞ Prezidenti Donald Tramp sənədsiz immiqrant yük maşını sürücülərinin Amerika veteranları ilə əvəz edilməsini nəzərdən keçirdiyini açıqlayıb.
Ajans.az The New York Times-a istinadən xəbər verir ki, Tramp bu barədə Pensilvaniya ştatında keçirilən hərbi investisiya sammitində çıxışı zamanı danışıb.
Prezident bildirib ki, hökumət sənədsiz immiqrant yük maşını sürücülərinə qarşı sərt tədbirlər həyata keçirir və məqsəd onların yerinə hərbi xidmət keçmiş amerikalı veteranların işə cəlb edilməsidir.
Tramp həmçinin qeyd edib ki, ABŞ ordusunda ağır yük maşınlarını idarə etmiş hər bir hərbçi avtomatik olaraq kommersiya sürücülük vəsiqəsi almaq hüququ əldə edəcək. Bununla belə, o, təşəbbüsün həyata keçirilməsi ilə bağlı əlavə təfərrüat açıqlamayıb.
Mövzular:
Digər Xəbərlər
