Moskvada hava limanı uçuşları yenidən DAYANDIRDI

Moskvanın Jukovski hava limanında iyulun 3-ü səhər saatlarında uçuşların qəbulu və yola salınması yenidən dayandırılıb.

Ajans.az xəbər verir ki, bu barədə Rusiyanın Federal Hava Nəqliyyatı Agentliyi (Rosaviasiya) rəsmi Telegram kanalında məlumat yayıb.

Məlumata görə, hava limanında məhdudiyyətlər Moskva vaxtı ilə saat 10:55-dən etibarən qüvvəyə minib. Hazırda Jukovski hava limanı nə eniş, nə də uçuş reyslərini qəbul edir.

Qeyd olunur ki, bu, gün ərzində Jukovski hava limanında tətbiq edilən ikinci belə məhdudiyyətdir.

Rosaviasiya məhdudiyyətlərin səbəbi ilə bağlı hələlik əlavə məlumat verməyib.