İran oktyabrın 7-si səhərə qədər uçuşları LƏĞV ETDİ
Dünya
06-10-2024 - 23:10
İran oktyabrın 7-si səhərə qədər bütün hava limanlarından uçuşları ləğv edib.
Ajans.az xəbər verir ki, bu barədə İSNA agentliyi məlumat yayıb.
İranın Mülki Aviasiya Təşkilatının qərarı ilə uçuşlar oktyabrın 6-sı Bakı vaxtı ilə saat 21:30-dan oktyabrın 7-si saat 06:30-a kimi ləğv olunub.
Qərara səbəb əməliyyat məhdudiyyətləridir.
Xatırladaq ki, oktyabrın 1-i İran İsrailə raket zərbələri endirdikdən sonra uçuşlara müvəqqəti məhdudiyyətlər tətbiq etmişdi. Oktyabrın 2-də daha bir gün qadağa uzadılıb.
