Forbes bu ilin ən varlı futbolçularını AÇIQLADI
Forbes jurnalı 2024-cü ildə dünyanın ən çox qazanan futbolçularının adını açıqlayıb.
Ajans.az xəbər verir ki, idmançıların siyahısı nəşrin saytında təqdim olunub. Reytinqə Səudiyyə Ərəbistanının “Əl-Nasr” komandasının portuqaliyalı hücumçusu Kriştiano Ronaldo başçılıq edir. Nəşrin məlumatına görə, 2024-cü ildə forvard ümumilikdə 285 milyon dollar qazanıb ki, bunun da 220 milyon dolları maaş və bonuslar, digər 65 milyonu isə sponsorluq ödənişləridir.
Onun ardınca argentinalı İnter Mayami hücumçusu Lionel Messi gəlir. Onun il ərzində qazancı 135 milyon dollar qiymətləndirilir. Bunun 60 milyon dolları meydanda oynamaqdan gəlir. Üçüncü yerdə “Əl-Hilal”ın braziliyalı hücumçusu Neymar (110 milyon dollar) qərarlaşıb. Lakin o, 2023-cü ilin oktyabr ayından etibarən matçlarda iştirak etmir.
2023-cü illə müqayisədə ilk üçlük dəyişməyib. Bununla belə, Ronaldo gəlirini artırıb, Messininki eyni səviyyədə qalıb, Neymarınki isə azalıb.
