Edamına 1 aydan az qalmış ÖLDÜ - ŞOK HADİSƏ
ABŞ-də ölüm cəzasına məhkum edilmiş cinayətkar 30 ildən çox həbsxanada yatıb və cəzasının icrasına bir aydan az qalmış ölüb.
Ajans.az xəbər verir ki, bu barədə Daily Mirror məlumat yayıb.
81 yaşlı Kristofer Sepulvado 1992-ci ildə məhkum edilib. Bu, altı yaşlı ögey oğluna işgəncə etdikdən sonra baş verib. Oğlan tualetə getməyə vaxt tapmayıb və evə çirkli alt paltarında gəlib. Sepulvado uşağa o qədər qəzəblənib ki, onun başına tornavida ilə vurub, sonra isə onu qaynar suda çimdirməyə cəhd edib. 1993-cü ildə o, ölüm cəzasına məhkum edilib.
Sepulvado edam üsulları ilə bağlı hüquqi çətinliklərə görə 32 il həbsdə yatıb. Bu il Luiziana ştatının səlahiyyətliləri bu cür cəzaların icrasına qayıtmaq qərarına gəliblər. Sepulvadonun martın 17-də azot qazından istifadə edilərək edam edilməsi planlaşdırılırdı. Lakin şənbə günü, fevralın 22-də, taleyüklü tarixə cəmi bir neçə həftə qalmış o, həbsxana həkimlərinin bu yaxınlarda ona diaqnoz qoyduğu sağalmaz xəstəlik nəticəsində dünyasını dəyişib.
