Çəki itirmək istəyənlərin NƏZƏRİNƏ: Bu vərdişlərə əməl edin!
Uğurla arıqlamaq üçün yalnız bir pəhrizə sadiq qalmaq deyil, həm də istehlak edilən kalorilərin sayını artıran vərdişlərdən imtina etmək vacibdir.
Ajans.az xəbər verir ki, bunu tibb elmləri namizədi, endokrinoloq Oksana Mixaleva deyib.
Həkim qəlyanaltıları, xüsusilə qoz-fındıq, peçenye və ya sendviç kimi yüksək kalorili yeməkləri arıqlama prosesini ləngidən vərdişlər arasında birinci yerə qoyub. Belə qəlyanaltılar gündəlik kalori qəbulunu əhəmiyyətli dərəcədə artıra bilər.
Endokrinoloq arıqlamağa mane olan növbəti vərdiş kimi yüksək kalorili şəkərli içkilər içməyi adlandırıb. O, deyib ki, bu cür içkilər çox vaxt gün ərzində istehlak edilən qidaların kalori hesablaması zamanı nəzərə alınmır, lakin onlar, eyni zamanda, kalori qəbulunu əhəmiyyətli dərəcədə artırır.
Qazlı və enerji içkiləri yerinə şəkərsiz su, çay və ya qəhvə içmək daha yaxşıdır. Şəkərli içkilər tam yeməyə bərabərdir, ona görə də arıqladıqda onlardan çəkinmək daha yaxşıdır. Süd məhsullarına gəldikdə, yağ tərkibi 1,5-2,5 faiz olan variantları seçmək daha yaxşıdır
Arıqlamağı yavaşlatan başqa bir səbəb pəhrizin pozulmasıdır. Onun sözlərinə görə, səhər yeməyi və nahardan imtina etmək axşam saatlarında güclü aclıq hissinə səbəb olur ki, bu da istər-istəməz həddindən artıq yeməyə gətirib çıxarır. Həkim emosiyalı şəkildə yeməyi dayandırmağı tövsiyə edib. Belə ki, bəzi insanlar əsəbiləşdikdə və ya ağladıqda yemək yeyir. O deyib ki, bu düzgün deyil. Həkim əlavə edib ki, kompüter qabağında yemək vərdişindən imtina etmək də vacibdir.
