Bakıda iranlı narkotik tədarükçüsü ifşa olundu - Polis əməliyyatı /VİDEO
Hadisə
20-12-2024 - 17:29
Bakıda polis əməliyyat keçirib, iranlı narkotik tədarükçüsü tutulub.
Ajans.az xəbər verir ki, Daxili İşlər Nazirliyinin Baş Narkotiklərlə Mübarizə İdarəsinin əməkdaşları tərəfindən narkotik vasitələrin qanunsuz dövriyyəsində şübhəli bilinən 1978-ci il təvəllüdlü İran vətəndaşı Rahmat Jabraeılnezhad paytaxtda saxlanılıb.
Onun yaşadığı evdən külli miqdarda heroin, 450 ədəd metadon həbi və 1 ədəd elektron tərəzi aşkar edilərək götürülüb.
Məlumata görə, o, narkotik vasitələrin əsas tədarükçülərindən biri olub, adı narkotiklə əlaqəli cinayətlərdə keçir.
Fakta görə cinayət işi başlanılıb, şübhəli şəxs həbs edilib.
