Alimlər və din xadimləri XƏBƏRDARLIQ ETDİ - "Qiyamət Günü"nün tarixi AÇIQLANDI
İnsanlıq tarixində ən çox müzakirə olunan mövzulardan biri "Qiyamət Günü"nün nə vaxt gələcəyidir. Bəşəriyyət minilliklərdir ki, bu sualın cavabını axtarır.
Ajans.az-ın verdiyi xəbərə görə, dini mətnlərdə və elmi nəzəriyyələrdə dünyanın sonunun necə və nə zaman gələcəyi haqqında müxtəlif fikirlər irəli sürülür.
Din alimləri qiyamətin vaxtının yalnız Allahın bildiyi bir sirr olduğunu vurğulayırlar. Onların fikrincə, dini mətnlərdə qiyamət əlamətləri göstərilsə də, konkret vaxt verilməyib. Belə əlamətlərdən bəzilərinə təbiət hadisələrinin şiddətlənməsi, insanların mənəvi dəyərlərdən uzaqlaşması kimi hallar daxildir.
Elm dünyasında isə bəzi tədqiqatçılar dünyanın sonunun təbii proseslər nəticəsində milyonlarla il sonra baş verəcəyini düşünürlər. İqlim dəyişikliyi, təbii resursların tükənməsi və kosmik təsirlər kimi amillər uzun müddətdə Yer kürəsinin yaşayış üçün əlverişli olmayacağını göstərir. Bəzi nəzəriyyələrə görə, günəşin enerji ehtiyatları tükəndikdə dünya həyat üçün yararsız hala gələ bilər.
Qiyamətin dəqiq vaxtını bilmək mümkün olmasa da, həm dini, həm də elmi baxışlar insanları diqqətli və məsuliyyətli olmağa təbiəti və mənəviyyatı qorumağa çağırır.
