"The Wizard of Oz" filmindəki məşhur ayaqqabı rekord qiymətə satıldı - FOTOLAR

Ajans.az xəbər verir ki, 1939-cu ildə çəkilmiş "Oz sehrbazı" filmində Doroti personajlarının geyindiyi ikonik ayaqqabılar sənət əsərləri kimi təsvir edilir. 2005-ci ildə muzeydən oğurlanan ayaqqabılar 2018-ci ildə FTB tərəfindən ələ keçirilib.

Cudi Qarlandın 13 il sonra tapıb geyindiyi qırmızı ayaqqabılar “Heritage Auctions” hərrac evi tərəfindən satışa çıxarılıb.

Ən az 825 min dollar alması gözlənilən ayaqqabılar 28 milyon dollara satılıb. Hərracda qalib gələn təklif 28 milyon dollar olub və alıcı Dallasda yerləşən hərrac evinə əlavə 4,5 milyon dollar ödəyib.

Beləliklə, ayaqqabılar ümumilikdə 32,5 milyon dollara satılıb. 20 il əvvəl oğurlanan və yenidən üzlənmiş qırmızı ayaqqabılar indiyə qədər hərracda satılan ən qiymətli film əşyası olub.

“Heritage Auctions”un vitse-prezidenti Co Maddalena press-relizdə deyib:

“Cudi Qarlandın Hollivuddakı qırmızı ayaqqabıları ilə digər kino geyimləri arasında heç bir müqayisə yoxdur. Bu auksion filmlərin və kino xatirələrinin mədəniyyətimiz, kolleksiyaçılar üçün nə qədər əhəmiyyətli olduğunu əks etdirir".

Ayaqqabılar 2005-ci ildə Judy Garland Muzeyindən keçmiş mafioz Terri Con Martin tərəfindən oğurlanıb. Martin ayaqqabıların içərisində əsl yaqut olduğunu düşünüb. Başmaqlar daha sonra 2018-ci ildə FTB tərəfindən tapılıb və o vaxt ayaqqabıların 3,5 milyon dollar dəyərində olduğu məlum olub.

2023-cü ilin oktyabrında baxılan işdə oğru Terri Jon Martin günahını etiraf edib. Sənət əsəri olan bu ayaqqabılardan dünyada cəmi 4 ədəd var. Musiqili filmdə Hollivud ikonu Cudi Qarlend sözügedən ayaqqabını geyinmişdi.