Azərbaycanlıları daşıyan avtobus aşdı: 40-dan çox yaralı var - YENİLƏNDİ
Misirin şərqində, Ras-Sidr şəhəri yaxınlığında baş vermiş avtobus qəzasında üç azərbaycanlı turist də daxil olmaqla azı 41 nəfər müxtəlif dərəcəli xəsarətlər alıb.
Ajans.az xəbər verir ki bu barədə "Cairo24" məlumat yayıb.
Faktla bağlı araşdırma aparılır.
***
03:44
Misirin Ras Sidr şəhərində 31 rusiyalı turisti daşıyan sərnişin avtobusu aşıb.
Ajans.az "Cairo24"ə istinadən xəbər verir ki, KİV-in məlumatına görə, hadisə nəticəsində 41 nəfər xəsarət alıb.
Jurnalistlər bütün yaralıların yerli xəstəxanaya aparıldığını qeyd ediblər. Həlak olanlar arasında ruslardan başqa Ukraynadan bir turist, Qazaxıstan və Azərbaycandan üç turist və dörd misirli də var.
Bundan əvvəl Misirdə Süveyş-Qahirə avtomobil yolunda baş verən qəzada 21 rusiyalı, həmçinin Böyük Britaniya və İtaliya vətəndaşları xəsarət alıb. Şarm əl-Şeyxdən hərəkət edən avtobus aşıb.
Ümumilikdə avtomobildə 43 əcnəbi və dörd misirli olub. Süveyş əyalətinin istintaq orqanları avtobus sürücüsünü saxlayıb.
