Rusiyaya ATACMS zərbələri endirmək qərarında Tramp iştirak etməyib - Ağ Ev
Amerikanın uzaqmənzilli ATACMS raketlərinin Rusiya ərazisinə endirdiyi zərbələrə qoyulan məhdudiyyətlərin aradan qaldırılması qərarı ABŞ-nin yeni seçilmiş prezidenti Donald Trampla müzakirə olunmayıb, çünki bu, Co Bayden administrasiyası tərəfindən 5 noyabr seçkilərindən əvvəl qəbul edilib.
Ajans.az xəbər verir ki, bunu Ağ Evin strateji kommunikasiyalar üzrə koordinatoru Con Kirbi deyib.
ABŞ Hərbi Dəniz Qüvvələrinin təqaüdə çıxmış kontr-admiralı “Mən sizə ancaq onu deyə bilərəm ki, ATACMS ilə bağlı qərar seçkidən əvvəl, nəticə əldə etməmişdən əvvəl verilib” ifadələrini işlədib.
Xatırladaq ki, KİV noyabrın ortalarında Co Baydenin Kiyevin Rusiya Federasiyasının dərinliklərinə zərbələr endirmək üçün ATACMS raketlərindən istifadəsini qanuniləşdirmək barədə qərarını dərc etmişdi. Daha sonra Dövlət Departamenti bu məlumatı təsdiqləyib. Bundan sonra Ukrayna Silahlı Qüvvələri Rusiya Federasiyası ərazisindəki hədəflərə bir neçə salvo atıb, lakin raketlərin əksəriyyəti hava hücumundan müdafiə qüvvələri tərəfindən məhv edilib.
