Rusiyadan dünyanın ən güclü ordularında yer almasına REAKSİYA

Dövlət Dumasının Müdafiə Komitəsinin üzvü Andrey Kolesnik ABŞ- də tərtib edilən dünyanın ən güclü ordularının reytinqini obyektiv adlandırıb.

Ajans.az xəbər verir ki, o, bu barədə rus mətbuatına danışıb.

Bundan əvvəl Rusiya 2024-cü ildə Amerikanın “US News & World Report” jurnalının sorğu nəticələrinə əsasən dərc etdiyi dünyanın ən güclü orduları reytinqinə başçılıq edib. İkinci və üçüncü yerləri ABŞ və İsrail, dördüncü və beşinci yerləri Çin və Cənubi Koreya tutub. Ukrayna səkkizinci yerdədir. İlk onluqda həmçinin İran, Böyük Britaniya, Almaniya və Türkiyə yer alıb.

“Ümumilikdə mən qiymətləndirmə ilə razıyam, lakin kiçik düzəlişlərlə. Düşünürəm ki, Rusiya birinci, ikinci, üçüncü yerdədir, qalan hər şey sonra gəlir, çünki biz hazırda 50 ölkə ilə mübarizə aparırıq. Onlar Ukraynaya qoşun, insanlar, muzdlular və texnika ilə kömək etmək üçün əllərindən gələni edirlər, bizimkilər isə bunu edir - bu bir faktdır. İndi ordumuz ən ciddi hərbi təcrübəyə, ən israrlı və təlim keçmiş döyüşçülərə malikdir, ona görə də onun tayı-bərabəri yoxdur”, - deyə deputat bildirib.

Keçən oktyabrda da “US News & World Report” jurnalı Rusiya ordusunu dünyanın ən yaxşı ordusu kimi tanıyıb.