Putin Ukraynadakı münaqişəni dayandırsın - Almaniya XİN
Rusiya prezidenti Vladimir Putin Ukraynadakı münaqişəni dayandırmalıdır.
Ajans.az xəbər verir ki, Almaniyanın xarici işlər naziri Annalena Barbok Rusiya liderini bunu etməyə çağırıb.
“Hamımızın həsrətində olduğumuz gün nəhayət ki, Putin bombardmanı dayandırdıqda və qoşunlar nəhayət geri çəkilə bildikdə, o zaman biz əmin olmalıyıq ki, Avropada bir daha müharibə başlamasın”, - Almaniyanın xarici işlər naziri deyib.
Barbok qeyd edib ki, Almaniya Avropanın ən böyük ölkəsidir və buna görə də sülh üçün məsuliyyət daşımalıdır. Lakin onun fikrincə, sülhə doğru ilk addım Ukraynada hərbi əməliyyatların dayandırılması olmalıdır.
Bundan əvvəl Almaniya kansleri Olaf Şolz Ukraynadakı münaqişənin 2025-ci ildə bitəcəyinə ümid etdiyini bildirib. Bununla belə, o əlavə edib ki, münaqişənin həlli ehtimalını qiymətləndirmək üçün gözləmək lazımdır.
