Bu ölkədə hərbi vəziyyətin müddəti UZADILDI
Ukrayna Ali Radası ölkədə hərbi vəziyyətin və ümumi səfərbərliyin müddətinin daha 90 gün uzadılmasına səs verib.
Ajans.az xəbər verir ki, bu barədə Suspilne televiziya və radio şirkəti məlumat yayıb.
Məlumata görə, hərbi vəziyyətin 31 oktyabr tarixinədək uzadılmasını nəzərdə tutan 15401 nömrəli qanun layihəsi parlamentin 313 deputatı tərəfindən dəstəklənib.
Eyni zamanda, 2 avqustdan etibarən ümumi səfərbərliyin daha 90 gün uzadılmasını nəzərdə tutan 15402 nömrəli qanun layihəsinin lehinə 311 deputat səs verib.
Hər iki qanun layihəsi 13 iyul tarixində Ukrayna Prezidenti Volodimir Zelenski tərəfindən Ali Radaya təqdim edilmişdi.
Qəbul edilən qərara əsasən, Ukraynada hərbi vəziyyət və ümumi səfərbərlik 31 oktyabradək qüvvədə qalacaq.
Mövzular:
Digər Xəbərlər
