Dünyaca məşhur aparıcı xərçəngə qalib gəldi
Döş xərçəngi ilə mübarizə aparan amerikalı televiziya aparıcısı Sara Qor xəstəliyə qalib gəldiyini açıqlayıb.
Ajans.az xəbər verir ki, aparıcı bu barədə Instagram hesabında paylaşım edib.
"Mən xərçəngdən azadam. Hallelujah! Amma hələ də bərpa prosesi davam edir və bu, aylarla çəkəcək", – deyə Sara Qor yazıb.
O, bu çətin dövrdə ona dəstək olan hər kəsə təşəkkür edib və hazırda özünü çox yaxşı hiss etdiyini bildirib.
Sara Qor yaxın vaxtlarda yenidən televiziya ekranlarına qayıtmağı planlaşdırdığını da açıqlayıb.
Xatırladaq ki, bu ilin may ayında aparıcının döş xərçəngi diaqnozu səbəbindən efirdən müvəqqəti ayrıldığı açıqlanmışdı. Həmin vaxt onun əməliyyat olunacağı da bildirilmişdi.
Mövzular:
Digər Xəbərlər
