İran Bankının Bakı filialının gəlirləri AZALIB

Ajans.az xəbər verir ki, “Bank Melli İran”ın Bakı filialı 2026-cı ilin yanvar-iyun ayları üzrə maliyyə hesabatını açıqlayıb.

Hesabata əsasən, bank hesabat dövründə 2 milyon 324 min 312,61 manat xalis mənfəət əldə edib. Bu göstərici 2025-ci ilin eyni dövrü ilə müqayisədə 900 min 242,95 manat və ya 27,92% azdır. Ötən ilin ilk yarısında bankın xalis mənfəəti 3 milyon 224 min 555,56 manat olub.

Bankın xalis faiz gəlirləri isə 2 milyon 681 min 115,52 manat təşkil edib. Bu da ötən ilin eyni dövrü ilə müqayisədə 153 min 490,92 manat və ya 5,41% azalma deməkdir.

Hesabat dövründə bankın müştərilərə verdiyi kreditlərin həcmi 2 milyon 402 min 336,32 manat olub. Bu göstərici 2025-ci ilin sonu ilə müqayisədə 93 min 24,86 manat və ya 4,03% artıb.

Hesabat dövrünün sonuna bankın cəmi aktivləri 121 milyon 531 min 986,52 manat təşkil edib. Bu da ötən ilin sonu ilə müqayisədə 1 milyon 240 min 908,78 manat və ya 1,03% artım deməkdir.

Nağd pul vəsaitləri və digər banklardakı müxbir hesablar üzrə vəsaitlərin həcmi 37 milyon 23 min 51,17 manat olub. Bu göstərici ötən ilin eyni dövrü ilə müqayisədə 4 milyon 150 min 774,60 manat və ya 10,08% azalıb.

Bankın cəmi öhdəlikləri isə 2026-cı ilin ilk yarısının sonunda 65 milyon 855 min 78,28 manat təşkil edib. Bu da müqayisə dövrü ilə müqayisədə 5 milyon 747 min 209,25 manat və ya 8,03% azalma deməkdir.

Mələksəda Ziyad