Məşhur jurnalistin ölümü ilə bağlı təfərrüatlar ÜZƏ ÇIXDI
Jurnalist Roman Loşmanov həmkarı, aşpaz və teleaparıcı Aleksey Ziminin ölümünün səbəblərini açıqlayıb.
Ajans.az xəbər verir ki, onun şərhini “Moskvich Mag” jurnalı dərc edib.
Loşmanovun sözlərinə görə, Zimin Belqradda mehmanxanada ölü tapılıb. O, başqa təfərrüatları açıqlamayıb.
Ziminin vəfat etməsi faktı noyabrın 13-də məlum olub. Onun 52 yaşı olub. Aşpazın ölümündən əvvəl xəstə olmadığı dəqiqləşdirilib. Jurnalistin yaxınları onun vəfatının onlar üçün tamamilə sürpriz olduğunu bildiriblər.
Jurnalistin ölümü hazırda araşdırılır. Onun ürəktutması və ya digər ani səbəblərdən vəfat etməsi ehtimal edilir.
Aleksey Zimin 1971-ci ildə Dubnada anadan olub. “Afisha” jurnalının baş redaktor müavini, “Afisha World”, “GQ” və “Gourmet” nəşrlərinin baş redaktoru, NTV kanalında “Aleksey Ziminlə yemək” verilişinin aparıcısı olub. O, həmçinin "Afisha Food" jurnalını da yaradıb.
2015-ci ildə Zimin Böyük Britaniyaya köçüb, Londonda rus mətbəxi restoranı açıb və eyni adlı jurnalda işləyib. Bundan əlavə, həyatının müxtəlif dövrlərində kitablar, o cümlədən aşpazlıq haqqında kitablar nəşr etdirmişdir.
