Mask ilk dəfə Trampa dəstək mitinqi TƏŞKİL ETDİ

Amerikalı milyarder İlon Mask Respublikaçılar Partiyasından prezidentliyə namizəd Donald Trampı dəstəkləmək üçün Pensilvaniya ştatının Filadelfiya şəhərində ilk seçki mitinqini keçirib.

Ajans.az xəbər verir ki, Mask Filadelfiyadakı məktəbin auditoriyasında keçirdiyi mitinqdə iştirakçıları erkən qeydiyyatdan keçib səs verməyə çağırıb. Pensilvaniyada Respublikaçı namizədə dəstək üçün keçirilən mitinqə ilk dəfə tək qatılan Mask qısa çıxışından sonra iştirakçıların suallarını cavablandırıb. Mask çıxışında ABŞ Konstitusiyasının üstünlüyünü vurğulayıb.

"Bu konstitusiya sözün əsl mənasında ABŞ-ni bugünkü vəziyyətə gətirən fundamental dəyərlər toplusudur. Onun əleyhinə olan hər kəs ABŞ əleyhinədir və onlar da “cəhənnəm”ə gedir. Əvvəllər siyasi cəhətdən aktiv deyildim, amma indi siyasi cəhətdən aktivəm, çünki Amerikanın gələcəyi və sivilizasiyanın gələcəyi təhlükə altında olduğunu düşünürəm”, - deyə, Mask çıxışında bildirib.

Mitinqdə iştirak edənlər ailələrini və dostlarını səsvermə üçün qeydiyyatdan keçməyə dəvət ediblər.