Kiyevdə hava hücumu xəbərdarlığı elan edildi: Güclü partlayışlar baş verir
Dünya
02-11-2024 - 10:16
Noyabrın 2-nə keçən gecə Kiyevdə hava hücumu xəbərdarlığı elan edilib. Bir az sonra paytaxtda partlayış səsi eşidilib.
Ajans.az xəbər verir ki, şəhərdə hava hücumundan müdafiə qüvvələri və vasitələri işləyir. Yerli vaxtla saat 04:54 radələrində paytaxtda düşmənin hava hücumu təhlükəsi barədə siren səslənib.
Kiyev sakinlərini təcili olaraq sığınacaqlara getməyə və hava hücumu xəbərdarlığı aradan qalxana qədər təhlükəsiz yerlərdə qalmağa çağırılıb.
Təxminən eyni vaxtda şəhər ərazisində partlayış səsi eşidilib.
Aqil Qarayev
Vəzifəsi: Müxbir
