HƏMAS-dan ŞOK QƏRAR: İsraillə razılaşmaya HAZIRDIR
HƏMAS-ın yüksək rütbəli nümayəndəsi atəşkəs və girovların azad edilməsi ilə bağlı danışıqların bərpası fonunda Qəzza zolağında hərəkatın İsraillə razılaşmaya açıq olduğunu bildirib.
Ajans.az xəbər verir ki, bu barədə TASS məlumat verib. Məlumata görə, Qətərdəki Həmas Siyasi Bürosunun üzvü Husam Bədran Şəhab xəbər agentliyi tərəfindən yayımlanan bəyanatında razılaşmanın mümkün olacağını təsdiqləyib.
"Tələblərimiz aydındır. Əgər Netanyahu artıq müzakirə olunmuş məsələni yerinə yetirəcəyinə söz verərsə, biz razılığa gələ bilərik", - bəyanatda deyilir.
Hazırda Bədranın sözlərinin Misirin dörd israilli girovu bir neçə fələstinli məhbusla dəyişdirmək üçün Qəzzada iki günlük atəşkəs təklifinə reaksiya olub-olmadığı hələ də bəlli deyil. Əl-Ərəbiyyə daha əvvəl bildirib ki, İsrail bunu potensial hərtərəfli razılaşmanın bir hissəsi hesab edəcəyi təqdirdə, HƏMAS Misirin təklifini qəbul etməyə hazırdır.
Həmçinin Həmas mənbələri “Asharq News” telekanalına bildiriblər ki, qrup ayrı-ayrı razılaşmalar yerinə hərtərəfli nizamlama sazişi əldə etməyə üstünlük verəcək.
