Bakı Quba yolunda TIR aşdı : Xəsarət alanlar var - VİDEO
Bakı-Quba magistral yolunun Saray postundan keçən hissəsində ağır yol-nəqliyyat hadisəsi baş verib.
Ajans.az xəbər verir ki, Tranzit nömrəli TIR markalı yük maşını ilə məişət tullantıları daşıyan 50 CY 228 dövlət nömrə nişanlı ağır tonajlı avtomobil toqquşub.
Hadisə nəticəsində TIR-ın sürücüsü 1979-cu il təvəllüdlü Mədətov Azər Şirin oğlu və məişət tullantıları daşıyan yük maşınının sürücüsü xəsarət alaraq Sumqayıt şəhər Təcili Tibbi Yardım Stansiyasına çatdırılıb. Onla ilkin tibbi yardım göstərilib. Vəziyyətlərinin qənaətbəxt olduğu bildirilir.
Qeyd edək ki, qəzaya səbəb yol hərəkət qaydalarına əməl edilməməsi göstərilir. Faktla bağlı araşdırma aparılır.
