Bakı metrosunda gedişhaqqının artırılmasına RƏSMİ REAKSİYA
Xəbər verdiyimiz kimi, Bakı metrosunda gediş haqqının 55 qəpik olacağı ilə bağlı mediada xəbərlər yayılıb.
Məsələ ilə bağlı Ajans.az "Bakı Metropoliteni" QSC-yə sorğu ünvanlayıb.
Qurumdan redaksiyamıza bildirildi ki, "Bakı Metropoliteni" QSC-nin gedişhaqqı tariflərini tənzimləmə səlahiyyəti yoxdur. Həmçinin metro nəqliyyatında gedişhaqqı tarifinin tənzimlənməsinə yenidən baxılması ilə əlaqədar aidiyyəti səlahiyyətli qurumlar qarşısında məsələ qaldırmayıb.
Qeyd edək ki, hazırda metroda gedişhaqqı 50 qəpik təşkil edir. İddialarda gedişhaqqının 55 qəpiyə qaldırılacağı bildirilirdi.
