Az qala manyakın qurbanına çevriləcəkdi... - 30 illik AXTARIŞ

Ajans.az xəbər verir ki, o, “Daily Mirror”a ölümdən necə qaçmağı bacardığını söyləyib.

2003-cü ildə Tammi Taqo ABŞ-nin Oklahoma ştatının Lawton şəhərində məskunlaşıb. Halloween bayramında o, uşaqları atalarının yanına aparıb və dostu ilə vaxt keçirib. Onlar balkonda siqaret çəkirdilər ki, Taqo evin yaxınlığında aşağı mərtəbədə bir kişi görüb. O, yerə əyilib kolların arasında nəsə etdi, ancaq öskürəyini eşidəndə başını qaldırdı. Taqonun bu kişidən xoşu gəlmədi, lakin o, şübhələrini tez aradan qaldırıb. Lakin bir neçə həftə sonra o, uzun müddət yoxluğundan sonra evə qayıdıb və kiminsə içəri girməyə çalışdığını görüb: qapı çərçivəsi bir neçə yerdən çox zədələnmişdi.

2005-ci ildə polis 30 il axtarışda olan BTK ləqəbli məşhur serial qatilini nəhayət ki, həbs edib. Ən azı 10 qurbanı sadist şəkildə öldürən adamın Dennis Rader adlı biri olduğu müəyyən edilib. Taqo onun üzünü xəbərlərdə görəndə eyvanının altında gördüyü adamı dərhal tanıyıb. Daha sonra polis axtarış zamanı Raderin evində bir yığın rəsm tapdıqda, Taqo onlardan birində qızını tanıyıb. Onun dediyinə görə, burada sarı ləkələri olan qırmızı paltarlı bir qız göstərilib - qızı Kilaninin 2003-cü ildə geyindiyi eyni paltar.

Taqo hesab edir ki, Raderin 2003-cü ildə uzun sürən sakitlikdən sonra geri qayıtması və daha sonra anonim mesajlar vasitəsilə polislə əlaqə saxlaması yeni cinayətin planlaşdırılması ilə bağlı ola bilər. Qadının dediyinə görə, o və ailəsi manyakın qurbanına çevrilib. Onlar çıxarkən Raiderin içəri girməyə çalışması onları xilas edib.