Zaxarova terror aktı ilə bağlı danışdı
Ukraynanın hərbi-siyasi rəhbərliyinin göstərişi ilə general-leytenant İqor Kirillova qarşı törədilən terror aktı heç nə ilə əsaslandırıla bilməz.
Ajans.az xəbər verir ki, bunu çərşənbə günü keçirdiyi brifinqdə Rusiya Xarici İşlər Nazirliyinin rəsmi nümayəndəsi Mariya Zaxarova deyib.
O qeyd edib ki, Ukraynada qanuni qərarlara istinad edərək terror aktına haqq qazandırmaq cəhdləri ciddi qüvvəyə malik deyil. Zaxarova vurğulayıb ki, bu ölkədə ümumiyyətlə qayda-qanun yoxdur.
Bundan əvvəl məlum olub ki, Rusiyanın BMT-dəki daimi nümayəndəliyi BMT Təhlükəsizlik Şurasının iclasında Rusiya Kimyəvi Müdafiə Qüvvələrinin rəhbəri İqor Kirillova qarşı törədilmiş terror aktı ilə bağlı məsələ qaldırmaq niyyətindədir.
Xatırladaq ki, dekabrın 17-də səhər tezdən Moskvanın Ryazanskoye şossesində törədilən terror aktı nəticəsində Rusiya Silahlı Qüvvələrinin RCBZ Qoşunlarının rəisi general-leytenant İqor Kirillov həlak olub. Ertəsi gün cinayəti törədən Özbəkistandan gələn Əhməd Qurbanov saxlanılıb. Dindirmə zamanı o, tapşırığı Ukraynadan olan kuratorlardan aldığını etiraf edib. Bunun müqabilində ona Avropa pasportu və tapşırığı yerinə yetirmək üçün 100 min dollar vəd edilib.
