Yeniyetmənin döyülməsi ilə bağlı araşdırma başladı - DİN
Hadisə
06-11-2024 - 17:23
Xəbər verdiyimiz kimi, Azərbaycanda yeniyetməyə qarşı baş vermiş xuliqanlıq hadisəsi geniş müzakirələrə səbəb olub.
Ajans.az-ın verdiyi məlumata görə, bir qrup gənc qız öz həmcinsini döyərək alçaldıblar. Həmin hadisə ilə bağlı görüntülər sosial şəbəkələrdə yayılıb və geniş rezonans doğurub.
Videoda yeniyetmənin təhqir olunduğu və fiziki şiddətə məruz qaldığı anlar açıq-aydın görünür. Sosial media istifadəçiləri bu hadisəyə sərt reaksiya göstərərək yeniyetmələr arasında zorakılıq və təzyiqin artmasından narahatlıq ifadə ediblər.
Məsələ ilə bağlı DİN-in Mətbuat Xidmətinin əməkdaşı İbrahim Əmiraslanlı Ajans.az-a açıqlamasında bildirib ki, görüntülərlə bağlı araşdırma aparılır.
