Yaralı vətəndaşlarımızın təxliyəsi ilə bağlı məsləhətləşmələr aparılır
Gündəm
28-12-2024 - 17:01
Təyyarə qəzasında xəsarət alan və Qazaxıstanda xəstəxanada müalicə olunan 6 nəfərin vəziyyəti stabilləşib.
Ajans.az xəbər verir ki, bu barədə Qazaxıstan Səhiyyə Nazirliyi məlumat yayıb.
Bildirilib ki, Manqistau regional çoxprofilli xəstəxanasında müalicə alan şəxslərdən 4-ü reanimasiya, 2-si isə travmatologiya şöbəsindədir.
Məlumatda qeyd olunur ki, müalicə alan 2 Azərbaycan vətəndaşının təxliyə məsələsi ilə bağlı danışıqlar gedir. Onların yola salınması üçün həkimlərlə məsləhətləşmələr aparılır.
Qeyd edək ki, Qazaxıstanda ümumilikdə 3 azərbaycanlı müalicə alır.
