Üçüncü sinif şagirdi dərs zamanı ATƏŞ AÇDI - ŞOK
İbtidai məktəbdə atışma olub. Üçüncü sinif şagirdi çantasından nəsə çıxarmaq istəyərkən dərs zamanı təsadüfən atəş açıb.
Ajans.az xəbər verir ki, fövqəladə hadisə Spotsilvaniya qraflığında (Virciniya) baş verib.
Şerif ofisinin məlumatına görə, insident bazar ertəsi səhər saat 11 radələrində baş verib və müəllim 26 şagirdin hamısını sinifdən tez təxliyə edib. Uşaqlardan və məktəb işçilərindən heç kim xəsarət almayıb. İstintaq belə nəticəyə gəlib ki, uşağın zərər vurmaq niyyəti olmayıb.
İstintaq zamanı məlum olub ki, uşaq odlu silahı valideynləri, 36 yaşlı Siara Armstead və 34 yaşlı Terrence Carroll Jr-ın evindən tapıb. Məktəblinin valideynləri həbs edilib və onlara qarşı cinayət səhlənkarlığı ittihamı irəli sürülüb: onlar azyaşlının həyatı üçün təhlükə yaradan, dolu silahı düzgün saxlamamaqda ittiham olunurlar.
Valideynlər hər biri 5 min dollar girov müqabilində sərbəst buraxılıb. Onların məhkəməsi cümə günü yetkinlik yaşına çatmayanlar məhkəməsində keçiriləcək. Hüquq-mühafizə orqanlarının uşağın özündən şikayəti yoxdur.
© Materiallardan istifadə edərkən hiperlinklə istinad olunmalıdır.
