Tanınmış müğənni Azərbaycandan paylaşım etdi - VİDEO
Məşhur türk aktrisa və müğənni Öykü Gürman Azərbaycandan paylaşım edib.
Ajans.az-ın xəbərinə görə, sənətçi öz sosial şəbəkə hesabında Azərbaycanda verdiyi konsertdən ifasını izləyiciləri ilə bölüşüb. O, videoda "Qal sənə qurban" mahnısını oxuyub.
Sözügedən video izləyicilər tərəfindən çox bəyənilib, xüsusən də azərbaycanlı izləyicilər müğənninin səsinin çox gözəl olduğunu vurğulayıb.
Qeyd edək ki, Öykü Gürman daima Azərbaycana olan sevgisi barədə danışır. Bir neçə dəfə ölkəmizdə konsert verib. Hətta o, ötən il, paytaxtımızda öz evlilik mərasimini gerçəkləşdirib.
Xatırladaq ki, müğənnilik fəaliyyəti ilə yanaşı, Ö. Gürman həm də tanınmış aktrisadır. O, ötən illərdə reytinqlərdə birinci yerdə olan "Sen anlat Karadeniz" serialında rol alıb.
Şahanə Paşazadə
Vəzifəsi: Müxbir
