Sərəncama götürülən Mais Bərxudarov DANIŞDI
Xəbər verdiyimiz kimi, II ordu korpusunun komandiri general-leytenant Mayis Bərxudarov vəzifəsindən azad edilərək sərəncama götürülüb.
Ajans.az-ın məlumatına görə, "Gununsesi.info” Mais Bərxudarovla əlaqə saxlayaraq onun vəzifəsindən azad olunması barədə fikirlərini öyrənib.
Hazırda sərəncamda olduğunu deyən M. Bərxudarov vəzifəsini itirməsini belə qiymətləndirib: "Heç bir məyusluğum yoxdur. Ola da bilməz. Qərar qəbul olunub. Mən də hazırda sərəncamdayam”.
"Orduda yeni yüksək təyinat gözləyirsinizmi?” sualına gəlincə, general-leytenant "Əşi, bu söhbətin başını buraxın. Bu barədə məlumatsızam”, - cavabını verib.
