Ronaldu karyerasında 925-ci qolunu vurdu
Gündəm
25-02-2025 - 23:35
Portuqaliyalı ulduz futbolçu Kriştianu Ronaldunun çıxış etdiyi "Əl-Nəsr" kollektivi Səudiyyə Ərəbistanı Pro Liqasının XXII turunda qələbə qazanıb.
Ajans.az xəbər verir ki, Ronaldunun (48) fərqləndiyi matçda komandası "Əl-Vəhda"nı 2:0 hesabı ilə məğlub edib.
Digər qolu Sadio Mane (90+8) rəqib qapısından keçirib.
40 yaşlı futbolçu bununla da karyerasında vurduğu qolların sayını 925-ə çatdırıb.
Qeyd edək ki, Pro Liqada "Əl-Nəsr" 47 xalla üçüncü sırada yer alıb. Turnir cədvəlinə 55 xalla "Əl-İttihat" komandası başçılıq edir.
