Qəflətən kökəldi və öldü: Ailə ölüm səbəbi ilə heyrətə gəldi
İngiltərədə doqquz yaşlı Lyuk Poqaya xərçəng diaqnozu çox gec qoyulduğu üçün dünyasını dəyişib.
Ajans.az xəbər verir ki, bu barədə “The Mirror” məlumat yayıb.
Valideynlər əvvəlcə övladlarında baş verən fiziki dəyişikliklərə əhəmiyyət verməyiblər, bunu həddindən artıq yemək və ya karantinlə əlaqələndiriblər, lakin oğlan daim gözlərindəki ağrılardan şikayət etməyə başlayanda artıq gec idi.
Lukanın anası Sem Poqun dediyinə görə, oğlu həmişə çox arıq və kövrək olub. Ancaq 2021-ci ildə o, birdən-birə kökəlməyə başlayıb. Ancaq qadın bunların Covid karantinin, həddindən artıq yemək və uzun müddət evdə qalmağın nəticələri olduğunu düşünüb.
“Bir müddət sonra onun görmə qabiliyyəti ilə bağlı problemlər yaranmağa başladı, gözlərini ovuşdurdu, onların ağrıdığını söylədi və bir şeyin səhv olduğunu bilirdim. Həkimlər şişin böyük olduğunu desələr də, diffuz olduğu üçün onu əməliyyat edə bilməyiblər. Şokda olduğumu xatırlayıram”, - deyə, qadın jurnalistlərə bildirib.
Məlum olub ki, dəyişikliklərin səbəbi əməliyyat olunmayan, yüksək differensiallaşmış qlioma (beyin şişi) olub. Kimyaterapiyaya və uşağı sağaltmaq üçün edilən bütün cəhdlərə baxmayaraq, o, 26 avqust 2024-cü ildə vəfat edib. Ürəyi qırılan bir ana, beyin şişlərinin digər xərçənglərdən daha çox insanı öldürdüyünü öyrəndikdə şoka düşdüyünü açıqlayıb.
