Qazaxıstan Nəqliyyat Nazirliyi AZAL təyyarəsi ilə bağlı AÇIQLAMA YAYDI
Gündəm
16-01-2025 - 12:44
Qazaxıstan Nəqliyyat Nazirliyi Azərbaycan Hava Yollarına məxsus təyyarənin Aktauda qəzaya uğraması ilə bağlı qeyri-rəsmi məlumatı şərh etmək niyyətində deyil. Bütün təfərrüatlar ilkin hesabat dərc edildikdən sonra məlum olacaq.
Ajans.az xəbər verir ki, bu barədə idarənin mətbuat xidmətindən məlumat verilib.
“Qəza təhqiqat komissiyası hadisənin səbəblərini müəyyən etmək üçün işini davam etdirir. İlkin hesabat dərc olunana qədər komissiya heç bir rəsmi mənbəyə malik olmayan internet məlumatlarını şərh etməyəcək”, - departament vurğulayır.
O da qeyd olunur ki, ilkin məlumatların olduğu hesabat bütün tələblərə uyğun olaraq komissiya tərəfindən dərc olunacaq.
2025-ci il yanvarın 16-da media qəzadan bir qədər əvvəl təyyarə heyəti arasında olan danışıqların tam stenoqramını dərc edib.
Şahanə Paşazadə
Vəzifəsi: Müxbir
